ပါဂျောင်မီဒီယာ
၃ရက်၊ မေလ၊၂၀၂၄ခုနှစ်။
မိုးကောင်းမြို့နယ် ဆားမှော်ကျေးရွာတွင် မေလ ၂ ရက်နေ့က မိုးသည်းထန်စွာရွာပြီး မိုးကြိုးပစ်သောကြောင့် နွား ၂၂ ကောင်သေဆုံးသွားကြောင်း ဒေသခံများထံမှ သိရသည်။
မိုးကြိုးပစ်ခံရ၍ သေဆုံးသွားသောနွား၂၂ကောင်၏ ပိုင်ရှင်သည် ဆားမှော်ဒေသခံ ဒေါ်ကပ်ထုဆိုသူဖြစ်ပြီး ဆုံးရှုံးမှုကြီးမားသောကြောင့် စိတ်ထိခိုက်နေကြောင်း ဒေါ်ကပ်ထုနှင့် နီးစပ်ရာဆွေမျိုးများက ပြောသည်။
" အဖွားထုရဲ့ နွားက ၂၂ ကောင် တစ်ခြားပိုင်ရှင်တစ်ဦးရဲ့နွားက၂ ကောင် တစ်နေရာထဲမှာဘဲ မိုးကြိုးပစ်ခံရတာ၊ နွားတွေကို ဆားမှော်အရှေ့ဖက်က လယ်ကွင်းထဲ မှာ လွတ်ကျောင်းထားတဲ့အချိန်မှာ မိုးကြိုးပစ်လို့ အကုန်လုံးသေသွားတာ"ဟု ဆားမှော်ဒေသခံတစ်ဦးက ပြောသည်။
ယမန်နေ့ ညနေပိုင်းတွင်လည်း မိုးညှင်းမြို့နယ် ပင်းဟဲကျေးရွာတွင် လေပြင်းထန်စွာ တိုက်ခတ် သောကြောင့် နေအိမ် တစ်ရာကျော် ပျက်စီးဆုံးရှုံးခဲ့ကြောင်း သိရသည်။
သတင်း - ကချင်ပြည်သား
Comments