Pajau Media
20th March 2025
Myen mungdan kata 2024 January shata 1 ya kawn 2025, March shata 18 ya shani du hkra myen hpyen gumshem ni kawn jahkrung wan nat sat ai hte sat nna nat kau ai masha yawng rai yang marai 72 rai nga wa ai lam Mung masa bawng masha makawp maga Hpung (AAPP) ni kawn tang da ai re.
Myen hpyen hpyen dap kawn jahkrung wan nat sat kau ai marai (42) rai nna, sat nna wan nat kau ai gaw (30) nga wa sai re.Dai sat hkrum ai ni hta na Sagaing kaw na gaw (24) hte law malawng re lam , Magway kaw gaw (20) hte Numbat lahkawng law law dik re lam tang madun da ai .
Ndai shata March 7 ya hte 12 ya lapran hta mung Magway, Yechya Kye (ရေစကြိုမြို့နယ်), Tha Pawng(သာပေါင်းကျေးရွာ) mare hta mung hpyen n-gun htu shadut lung wa ai myen hpyen dap kawn mare masha 6 hpe rim la nna zing ri sat kau ai sha n-ga, dai hta na marai langai hpe baw daw nna wan nat kau ai lam mung tang madun da nga ai re.
Lai wa sai March 17 ya shani hta mung Jinghpaw Mung, Manwaw , Sing Hkan mare hta Myen hpyen kawn nbungli hte gap ai Majaw Mung Masha marai 6 asak sum mat ai re.
Ya ten du hkra Myen hpyen gumshem gaw Mung Masha ni ntsa masat shingte tawn nna Mung masha dum nta ni hkan Bawm jahkrat bun ai ni grai galaw nga ai re. Dai sha n-ga Myanmar Mừng dan ting hta Daru Magam Zing ai hpang kawn Mung shawa marai (6412) du sat kau hkrum nna, rim hkrum ai yawng Pawng yang Marai (28,888)du hkra nga wa sai re, Dai hta na lawt lu ai gaw Marai (6,785) nga wa sai lam March shata 18 ya shani tang da ai re.
Shiga - Zaw
コメント