ခေါင်လန်ဖူးမြို့နယ်တွင် တောင်ကမ်းပါး မြေပြိုမှုကြောင့် ကားလမ်းပိတ်ကာ သွားလာရေးခက်ခဲနေဆဲ

ပါဂျောင်မီဒီယာ

၁၅ရက်၊ ဧပြီလ၊၂၀၂၄ခုနှစ်။

ခေါင်လန်ဖူးမြို့နယ်တွင် ဧပြီလဆန်းပိုင်းတွင်း မိုးများသည်းထန်စွာ ရွာသွန်းခဲ့မှုကြောင့် ကားလမ်းပိတ်ခဲ့သည်မှာ နှစ်ပတ်တာ ကြာမြင့်လာခဲ့ပြီး၊ ယနေ့အထိ ကားလမ်းပိတ်ထားဆဲ ဖြစ်ကြောင်း သိရသည်။

ထိုသို့ ကားလမ်းပိတ်ဆို့နေခြင်းကြောင့် ပူတာအို-ခေါင်လန်ဖူးသို့ သွားလာ၊ကုန်သွယ်ရေးများလည်း ရပ်တန့်နေဆဲဖြစ်ကြောင်း ခေါင်လန်ဖူးဒေသခံများမှ သိရှိရသည်။

"လမ်းတွေပြိုထားတာက နေရာအများကြီးပဲ။ ဒါပေမယ့် နေရာတော်တော်များများကိုတော့ ရှင်းထားပြီးကြပြီ။တစ်နေရာပဲလိုတယ် အဲ့ဒါက ခေါင်လန်ဖူးဘက်ကနေလာရင် ရီဒမ်းကျေးရွာ ရောက်ခါနီးမှာတောင်အကြီးအကျယ် ပြိုထားတော့ ကား၊ဆိုင်ကယ်တွေ လုံးဝဖြတ်လို့မရတော့ဘူး၊ အားလုံးပိတ်မိနေကြတယ်။ ခြေကျင်နဲ့တောင် အနိုင်နိုင်လျှောက်ရတာ အခုဆိုသုံးပတ်လောက်တောင် ရှိတော့မယ်ထင်တယ်" ဟု ကားသမားတစ်ဦးက ပြောသည်။

နှစ်စဉ်နှစ်တိုင်း မိုးတွင်းကာလတွင် ခေါင်လန်ဖူးသွား ကားလမ်းပိုင်းများ မြေပြိုကျမှု ဖြစ်လေ့ရှိနေသော်လည်း ယခုနှစ်တွင် နွေရာသီခေါင်မှာပင် ‌‌ေမြပြိုကာ ကားလမ်းပိတ်နေသည်ဖြစ်၍ ဒေသခံပြည်သူများ သွားလာရေးနှင့် စားသောက်ကုန်များ သယ်ယူပို့ဆောင်ရေးတွင် အလွန်အခက်တွေ့ကြရကြောင်းဆိုသည်။

ပြင်ဆင်မှုများဆက်လက်ဆောင်ရွက်နေသော်လည်းရီဒမ်းကျေးရွာအနီတွင် ဖြစ်ပွားခဲ့သည့် တောင်ပြိုထားသည့် နေရာသည် ဆိုးဆိုးရွားရွားဖြစ်နေသဖြင့်ပြီးစီးနိုင်ရန် ကြံ့ကြာမှုများ ဖြစ်နေခြင်းဖြစ်ကြောင်းလည်း ထမ်မံသိရသည်။

ယခုအချိန်တွင်ပူတာအို-မြစ်ကြီးနားကားလမ်းပိတ်နေခြင်းအပြင် ပူတာအို-ခေါင်လန်ဖူး ကားလမ်းပိတ်မိနေသည်မှာ ရက်ရှည်ကာလဖြစ်လာသည့်အပေါ် ၎င်းဒေသမှ ပြည်သူများ အလွန်အခက် တွေ့နေကြရကြောင်း သိရှိရသည်။

သတင်း- မလိခူး