Pajau Media
19/3/2025
Jinghpaw mung Miwa jarit Mai Ja Yang ginra hta tara n shang Miwa hkran hkawm sa lam law wa ai majaw jairit mayan shimlam a matu Miwa Balik ni jarit mayan hpyen n-gun jat shamu shamawt wa ai lam ginra masha ni tsun ai kaw na chye lu ai.
Miwa Balik hpung ni gaw ya na zawn jarit mayan de shamu shamawt wa ai gaw lai wa sai March 16 ya daram kaw na rai sai lam ginra masha ni tsun ai.
“Dai hpyen hpung ni gaw March 16 kaw na wa nga sai re, Miwa jarit mayan shimlam hte seng nna tara upade galai na matu hkyen ai majaw ya na zawn shara la yu reng wa ai re,” nga nna tsun ai re.
Miwa gaw jarit shimlam hpe ahkyak la madung tawn nna shimlam shagreng wa ai hta Mai Ja Yang jarit mayan hku lagu lai ai lam law wa ai majaw re lam tsun ai re.
Ya aten Miwa maga kawn mung Mai Ja Yang jarit lam hku gunrai ni hpe tara shang shalai na ahkang pat da ai re majaw tara n shang lam hku shing nrai Muse hku shalai la ai masa hpe ginra masha matut tsun dan ai re.
“Ya gaw Mai Ja Yang maga na gunrai ni hpe tara n shang lam hku shalai yang shalai la, shing nrai yang Muse maga na shalai la ma ai, raitim n dai laman tara n shang lam hku nna shalai la ai lam grau law ai,” nga nna tsun nga ma ai re.
N dai masa lam ni a majw Miwa gaw jarit mayan hta shimlam tara ni hpe galai na matu shimlam la yu reng nga ai re lam chye lu ai.
Shiga – Hpring
Comments