Waingmaw Hk.L.Y 58 Hte Wuyan P.T.Ts Dap Mayan Hku Hkawm Sa Ahkang Pat Da Ai Majaw Mung Masha Ni Yak Hkak Nga

Pajau Media

28.1.2025

Jinghpaw mung Waingmaw-Kanpaiti mawdaw lam ntsa na Hk.L.Y (58) dap shawng hku nna Myen hpyen dap kawn shagyit galaw nna shara la nga ai hta hkawm sa hkawm wa lam ni hkum pat da ai majaw hkrun lam hkawm mung masha ni yak hkak nga ai lam chye lu ai.

“Shagyit galaw da ai gaw na sai, shawng daw gaw lai hkawm mai ai, aten masat nna hpaw dat pat dat galaw ai re. Ya gaw tsep kawp n mai lai sai. Hkawm sa ra yang koi lam hku nna sha lai sa ra ai,” nga nna mung masha ni tsun ai re.

Hkrun lam hkawm mung masha ni tsun ai hta koi lam hku nna n dai laman num hpu htat ai sha n-ga hkrun lam n kaja ai majaw Pangwa, Hpimaw de mawdaw cycle hte hkawm sa nga ai hkrun lam hkawm masha langai ya na zawn matut tsun dan ai re.

“Cycle lai na matu pyi grai yak ai. Mawdaw nga yang grau sawng ai. Lam gaw grai sawng ai ga re. Lawan ladan hkawm sa na matu gaw n mai ai ga re,” nga nna tsun ai re.

Ya na zawn dingyang hkawm sa nga ai hkrun lam hpe naw matut pat da yang koi lam hku nna aten na na hkawm sa na matu gaw n loi ai hte grau grau yak hkak na lam sha nga ai rai nna November 25, 26 kawn ya aten du hkra pat da ai re hte aten ladaw shata lahkawng na wa sai re hpe mung chye lu ai.

Hk.L.Y (58) Wuyan P.T.Ts shagyit gaw Waingmaw-Kanpaiti hkawm sa lam ntsa kaw nga ai re hte ya aten dai maga de hkawm sa ai lam hpe pat da ai re.

Shiga – Hpring