Pajau Media
17.12.2024
Myen hpyen dap gaw ya aten Waimaw ginra mayan de hpyen n-gun jat shamu shamawt nga dingyang re sha n-ga Maina ginra kata shana hkying matsat hpang de pru hkawm ai ni hpe rim na lam tsun da ai nga nna ginra masha ni tsun ai.
Maimaw ginra kata Myen hpyen dap gaw December praw bat daram kaw nna gaw grau shamu shamawt wa ai hta ginra kata shana pru hkawm ai ni hpe rim ahkyak la na lam tsun ai hte ya aten na Mai Na ginra masa hpe Mai Na kaw nga ai Hpyen yen mung masha langai tsun ai.
“Mai Na hpyen yen camp makau mayan hkan sha nga hkawm ma ai, kalang marang Camp makau hkan tsap nna lai wa lai sa ni hpe jep joi ai lam ni galaw ai, shana 8:00 PM hpang gaw kadai mung n mai pru hkawm ai, pru hkawm yang rim na nga n dau da ma ai, Mai Na Camp makau hkan sha nga hkawm ai re majaw shimlum lam a matu myit tsang let nga taw ra ai ” nga nna tsun ai re.
N dai laman Myen hpyen dap masha ni gaw waimaw ginra sha n-ga Myitkyina Muklum kata hkan Mung shamu shamawt nna masha rim ai lam ni shawoi na hta grau galaw wa ai lam Myitkyina ginra masha langai mung tsun ai re.
“ Myitkyina Muklum kata kaw mung grai shamu shamawt wa ai, aten n tam jep ai lam ni grai galaw wa ai, Myo kata kata shamu shamawt ai ni hpe grai rim ai nga shiga ni mung grai na Mai byin yang shana n pru hkawm ai gaw kaja dik re” nga nna tsun ai re.
Myen hpyen dap gaw Hpyen yen mung masha ni shanu nga ai Nawng Hkying lam maga de December praw 1 kaw shala la shamu shamawt wa ai re hte ya aten du hkra lam dingyang shara la nga ai majaw Hkawm sa hkawm wa lam hta myit shimlam n lu ai nga nna ginra masha ni tsun ai kaw na chye lu ai.
Comments