Pajau Media Channel
11th July, 2024
Myen hpyen dap gaw gasat gala majan n nga ai raitim Lak nak kaba gap shadam ai lam matut manoi galaw nga ai lam chye lu ai.
July 10 ya shani hkying 9:00 PM aten daram hta Myitkyina kaw Dap jung nga ai Amyawk Dap, Waimaw Muklum kaw daju ai HK.L.Y (58) Myen hpyen dap kaw nna Lak nak kaba 30 lang daram gap shadam ai lam ginra masha ni tsun ai kaw na chye lu ai.
Ginra masha ni tsun ai hta Myitkyina myawk dap kaw nna Lamyang mare, Lawa mare maga de gap shadam ai rai nna Waimaw (58) dap Hka Shi mare, Awng Mye (1,2), Shwe Nyawng Pin maga de gap shadam ai re hpe mung chye lu ai.
Ya aten myitkyna, Waimaw ginra kata Hka hpyen tsin yam hkrum sha nga ai aten Myen hpyen dap gaw gasat gala majan n nga ai raitim ya na zawn lak nak kaba gap shadam ai lam galaw nga ai re. Lai wa sai May hte July shata hta Myen hpyen dap kawn gap shadam ai Lak nak si wa hkrat kapaw nna Waimaw ginra kata Mung masha marai (20) hkawt asak si sum nna marai (30) daram hkala hkrum ai lam nga lai wa sai re.
Comments