Pajau Media
27.3.2025
KIA masat (5) Dap Ba Masat (3) dap dung ginra San Hka mare makau mayan de March 26 ya hta KIA pawng hpawm hpung ni hte Myen hpyen dap lapran gasat gala majan byin ai lam chye lu ai.
March 26 ya jahpawt daw 5:30 aten daram hta mung Waimaw maga kaw na KIA pawng hpawm hpung ni dap jung shara jahkrat da ai San Hka mare makau de myen hpye dap kawn hpyen n-gun jat htu shadut shang wa ai majaw gasat gala majan byin ai lam chye lu ai.
Dai sha n-ga Waimaw Lamyang mare makau mayan de mung Myen hpyen dap, P.T.Ts pawng hpawm hpung ni ang katut gasat gala majan byin ai lam chye lu ai. March 26 ya shani jahpawt daw 6:30 kaw nna 7 daram du hkra Manmaw ginra de mung gasat gala byin ai sha n-ga shani 11:00 aten daram hta mung n bungli bawm wa jahkrat bun ai lam chye lu ai.
Danai Lido lam Lawa Mare kata de mung Myen hpyen dap shara la nga ai majaw Myen hpyen dap, Min Zay Thant P.T.Ts pawng hpawm hpung ni hte KIA lapran gasat gala byin nna ya aten du hkra hpyen masa shaja hkat nga ai lam chye lu ai.
Shiga- Htu Seng
Comments