Sin Marang Kaba A Majaw Dum Nta Hten Hkrum Ai Mung Masha Ni Dum Nta Gram Sharai La Na Matu Pyi Yak Hka Nga Ai Lam

Pajau Media Channel

28th March, 2024

Hpakant ginra hta shara shagu hkan na mung masha ni sa du nna mai byin ai shara kaw ginsum ni gap rai tam lu tam sha nga ai re. Raitim lai wa sai March 26 ya shana hta kajawng kaja sin marang kaba htu hkrat wa ai majaw dum nta hten hkrum ai lam, num gaw ni baw malawng mat ai re hte bai gram lajang la na matu mung ya aten na gunrai manu a majaw yak hkak dut dang nga ma ai re hpe mung chye lu ai.

“Sin marang kaba sawng wa ai majaw dum nta ram ram hten hkrum mat na mung masha ni yak hkak nga ai. Ya aten hpri hpraw pa manu ni mung grai rawt taw ai. Mari la na matu yak hkak nga sai. Ye mase tam ai masha ni mung hkala hkrum ai lam ni mung nga ai. N kau nga yang dum nta gram sharai la na matu pyi yak hkak nga ai masa re”.

Lai wa sai March 26 ya shani hkying 11:00 PM aten daram hta sin marang ladu lai htu sawng wa ai majaw Hpakant Nam Maw, Maw Lakyin ginra nga mung masha dum nta (200) daram hten hkrum mat ai sha n-ga Sik Mu mare kaw mung mung masha dum nta hten hkrum ai lam nga ai re. Hpakant ginra hta shaning shagu ngu na daram marang ladu lai htu sawng ai majaw ginra kata hka kaba manghkang ni shaning shagu hkrum sha nga ai re majaw sadi maja ra ai mare kaba langai re hpe mung chye lu ai.