Pajau Media
12.12.2024
Myen Hpyen dap gaw Myen mungdan kata byin nga ai Mung dinghku majan hta laknak kaba, nbungli hte laja lana gap gasat ai hta gasat gala majan n byin ai raitim lak nak kaba hkrup mara gasat ai majaw shata (4) laman Mung masha tsa kaba asak si sum ai Mung Masa Bawng Masha ni hpe garum ai hpung AAPP hku na madun da nga ai.
Myen mung mungdan ting hta shata 4 laman Myen hpyen dap gap bun ai laknak kaba a majaw si hkrum ai masha 100 jan rai nna nna nbungli a majaw si hkum ai masha 240 jan hte yawng rai yang 300 jan nga ai hpe madun da nga ai.
Nbungli, laknak kaba a majaw asak si hkrum ai hta asak 18 ning npu na ma 66 lawm nna, nbungli bawm a majaw si sum law dik gaw Sagaing, Rakhine hte Sam mung hta re lam AAPP kawn December 11 ya hta tang madun da nga ai.
Mung Masa Pawng Masha garum hpung AAPP a tang madun da ai lam hta 2024 August shata (1) ya kaw nna November (30) ya du hkra na jahpan re lam chye lu ai.
Ya ten Jinghpaw mung, Manmaw muklum zing ai majan hta mung Myen hpyen dap ni nbungli hte laknak kaba laja lana gap bun ai majaw mung masha 100 daram si hkrum ai lam mungdan kata shiga dap ni hkan tang da ai rai tim phone line hte internet pat da ai majaw siga hkak tup lu na yak nga ding yang re nga ai.
Comments