Pajau Media
18.10.2024
Myen Mung kata byin ai gasat gala majan hta Myen hpyen dap gaw Mung shawa hte hpyen hpe ginhka ai lam n nga hkrup mara lak nak kaba gap shadam ai lam matut manoi galaw nga ai hta 2024 January 1 kaw nna October 16 ya du hkra rai yang amyu shayi marai 230 hkawt asak si sum mat sai lam AAPP kawn n dau da ai hpe shiga hta tang madun da ai.
Laknak kaba si a majaw asak si sum ai hta asak 18 n pu na amyu shayi marai 30 lawm ai lam asak si sum law dik gaw Sagaing ginra hte Rahkai Mung ginra ni hta law malawng re lam tsun da ai re. sagaing ginra hta Marai 64, Rahkai Mung ginra kaw 46 re lam mung mung tsun da ai hpe chye lu ai.
Myen hpyen dap gaw Amyu sha lak nak lang rawt malan hpung ni hte PDF n in nga ai ginra de Laknak kaba gap shadam ai lam, Nbungli bawm hkrup mara jahkrat bun ai lam ni a majaw hpyen hte n seng ai Mung masha, amyu shayi ni asak si sum ra ai re. Myen mungdan kata byin nga ai gasat gala majan hta Myen hpyen dap gaw Mung shawa hpe masat shading tawn nna gasat wa ai masa re lam Hpyen masa maram masam nga ai salang ni tsun da ai re hpe mung chye lu ai.
AAPP a October 16 ya shani n dau da ai jahpan hku rai Yang Myen mungdan kata Myen Hpyen Dap Mungdan ahkaw ahkang zing madu ai hpang Laknak kaba hte dingsa gasat ai lam amyu myu a majaw asak si sum ai Mung masha marai 5,851 du hkra nga ai kaw amyu shayi 1,236 lawm ai lam tang madun da ai.
Comments