Pajau Media
21.9.2024
Hpyen masa grai shaja hkat nga ai Hpkant Seng Tawng mare kaw nna koi yen mat ai hpyen yen mung masha hkying mali jan gaw ya aten hkyak hkyak garum ningtum ra kadawn nga ai lam chye lu ai.
Lai wa sai September 4 ya kaw nna KIA pawng hpawm hpung ni hte Myen hpyen dap lapran gasat gala majan laja wa ai gaw ya aten du hkra re. Hpyen koi yen ai Mung masha hkying mali jan gaw malu masha, lang na rung rai hte lu hka ni hkyak hkyak ra kdawn nga ai lam hpyen koi yen mung masha ni tsun ai.
Hpyen koi yen Mung masha ni gaw kadai mung kadai chye ai hku ni nawn ai Nawku Jawng Wang, Hpunggyi jawng ni hte Jinghku nta hkan kadai mung kadai chye ai ladat hte koi yen hkawm nga ai rai nna n lu hprawng yen shi ai Mung masha ni gaw majan lapran hprawng lam n mu chyat rawng nga ai lam mung chye lu ai.
Chyat rawng nga ai Mung masha ni hpe Myen hpyen dap gaw n mai hprawng pru hkra pat shingdang da ai masa re lam, hprawng yen mat ai ni mung gasat gala majan laja nga ai aten hkum lawt daw sha hprawng yen ai re majaw hpa mung nlu la mat ai, dai majaw grau yak hkak ai re lam chye lu ai. Seng Tawng ginra kata KIA pawng hpawm hpung ni hte Myen hpyen dap lapran hpyen masa grai shaja hkat nga dingyang re hte majan matut sawng wa na masa nga ai lam chye lu ai.
Comments