Sam Hkyeng P.T.Ts Ni Rim Zing Da Ai Jawng Sara Shata 2 Jan Na Wa Tim Nta Masha Ni Hte Matut Mahkai Nlu Ai Lam

Pajau Media

13.12.2024

Indaw Gyi Chaung Wa kaw na Jawng Sara hpe September shata 14 ya shani Sam Hkyeng P.T.Ts ni rim woi mat ai re hte shata 2 Jan wa sai raitim dum nta hte mahkai nlu ai lam Dum nta masha ni hte ni htep ai masha ni tsun ai kaw na chye lu ai.

Rim hkrum ai Jawng Sara gaw asak 55 ning U Than Zin Oo rai nna Mo Nyin de Nga chyu Jahkri sa dut na wa ai Lam Nan Mun Aung Mye shagyit hta rim hkrum ai lam chye lu ai.

Rim hkrum ai sara hte seng nna sagawn yu tim Ya du hkra matut mahkai nlu ai lam chye lu ai. U Than Zin Oo gaw kasha lahkawng a ka Wa rai nna madu Jan gaw Chawng Wa Jawng kaw Jawng galaw ai Sara num Daw Soe Soe Noi re lam chye lu ai.

November shata htum maga hta U Than Zin Oo si mat sai lam shiga pru mawng nga ai raitim shagrin la na matu Yak nga ai re hpe mung chye lu ai. U Than Zin Oo gaw NLD lakhtak hta Chawng Wa NLD ningbaw tang da hkrum ai wa re majaw Sam hkyeng P.T.Ts ni rim ai re lam mai bin ai lam ginra masha ni tsun nga ai.