Pajau Media
29.1.2025
Ya aten Mohnyin, Hopin ginra kata Sam Hkyeng P.T.Ts ni kawn hpyen magam gun na matu ramma law law hpe lahkawn nga ai re hte lani mi laman hta marai (40) daram du hkra lahkawn nga ai lam ginra masha ni tsun ai kaw na chye lu ai.
Sam HKyeng hpyen la marai 5,000 n hpring shi ai majaw lam ntsa hkan mu ai ramma yawng hpe nan la ai re. N dai laman Hopin ginra mayan hta lani mi laman sha marai 40 hpe rim mat wa ai. Shani ka-ang hkan mung wa rim ai sha re. Ma langai hpe chyawm nsa sa chyat machyi wa ai majaw bai wa sa da ai, nga nna Hopin Ywar Tit Gyi kaw nna mung masha langai tsun ai re.
Rim hkrum ai ni a kanu kawa ni kawn gaw Sam HKyeng P.T.Ts ni hpang de gumhpraw hte bai shaw la na matu jahkrup yu ai raitim n mai ai re hte rim la sai ni yawng hpe kalang ta Sar Maw ginra na Hk.M.Y 389 dap de hpyen shaman shakyang lam galaw na matu sa kau ai lam chye lu ai.
Wunkat shata (3) la ngut ai hpang lak nak htuk jaw nna jep joi shagyit ni hkan gumhpraw hta sha na matu shara jahkrat da ya ai lam ni galaw ai re lam ginra masha ni tsun ai re.
Ya na zawn Sam HKyeng P.T.Ts ni kawn aten ntam rim jep ai lam ni a majaw mung masha ni gaw hkawm sa hkawm wa, galaw lu galaw sha kaw na hkawt grai hkrit tsang let sha hkawm sa ra ai lam chye lu ai.
Shiga - Kachyin Pyi tar
Comments