Pajau Media Channel
20 April,2024
Jinghpaw Mung Putao Myo Mular Shi Di Lawk kaw nga ai Chroni Lauban Slg Thayza madu ai Malikha Lodge Hotel gaw April (20) ya jahpawt hkying (6:00) grup yin kaw n myit mada wan hkru manghkang byin nna Hotel Mamam hkringsa Nta(အဆောင်) (2) hkru lawm mat ai lam chye lu ai.
Wan hkru n pawt hte seng nna gara kaw na hkru hpang ai ngu hpe tup hkrak n chye lu ai raitim Hotel kaw bungli galaw ai masha ni tsun ai hta Shat gawk kaw na shawng wan hkru hpang wa ai re lam tsun ai re.
"Gara kaw na hkru ai ngu gaw kadai mung n lu tsun ai,Shat gawk maga kaw na hkru hpang ai re ngu maram lu ai, Myi hprap wan gaw n mai byin ai Wan hkru manghkang byin ai ten Wan ma n sa ai, Wang kaw na Bungalo Manam Hkringsa Nta(2) hkru lawm mat ai,N htoi san ai aten re di tsamai ai, makau mayan hkan na ni mung wan sat garum ai majaw kaga de n kap ai re" nga nna Mu Lar Shi Di ginra masha langai tsun ai.
Slg Thayza a Putao Malikha Lodge Hotel gaw lai wa sai 2010 shaning daram kaw nna hpaw hpang ai re hte Mungdan madang nga ai Lauban ni,Mungdan ningbaw ningla ni law malawng sa hkring sa ai Hotel kaba langai re hpe mung chye lu ai.
Shiga - Mali Hku
Comentarios