Pajau Media Channel
9th May, 2024
Putao ginra kata jak sau manu gaw tsaw jat nga dingyang re hte may ( ya kaw nna jak sau Palin mi hta mun manga du hkra tsaw lung wa ai re lam chye lu ai.
Putao Myitkyina hkrun lam pat da ai shata lahkawng hpang daw hta Putao ginra kata jak sau hte kaga gunrai ni taw wa ai hta jak sau manu mung ladu lai tsaw lung wa ai re. “N dai bat laman hta jak sau palin mi kaw lap 35,000 kaw na 50,000 de du mat sai. Lai wa lai sa cycle pyi n nga sai. N dai kalang na Putao ginra hkrun lam pat ai gaw sawng dik ai labau shang nan re sai. Lai wa sai ten hta gunrai manu dai ram tsaw lung ai ngu n nga ai dai ning gaw sawng dik re” nga nna ginra masha ni tsun nga ma ai re.
Myitkyina-Putao hkrun lam Sumprabum ginra hpe May (5) ya shani KIA/KPDF hte KPF pawng hpawm hpung ni zing madu da lu sai hpang Putao ginra masha ni gaw kade n na ai aten hkrun lam bai hpaw na matu myit mada nga ai raitim ya aten du hkra Myen hpyen dap maga kawn hpyen shamu shamawt lam dingyan naw rai nga ai majaw mawdaw hkrun lam bai hpaw na matu grai naw tsan nga ai re lam ginra masha ni kaw na chye lu ai.
Shiga-Mali hku
Comments