Pang Wa Ginra N Hprang Ga Sau Bungli Dabang Ni Bai Hpaw Tim N Kau Nig Aw Naw Pat Nga Ai Lam

Pajau Media

24.1.2024

Jinghpaw Mung Pangwa ginra kata N hprang Ga Sau Htu shaw ai lam bai galaw hpang sai raitim n kau dabang ni gaw naw pat da ai re lam Pang wa ginra masha ni tsun ai kaw na chye lu ai.

Pang wa ginra kata Miwa Jarit chyinghka ni hpaw nga sai raitim Miwa maga kaw nna gunrai htaw shalai ai lam naw pat da ai re. Ya aten N hprang Ga Sau htu shaw bungli galaw ai Miwa ni hta lai nna Kaga gunrai pru shang lam ni n nga ai re nga na Pang wa ginra masha langai tsun ai.

“ N kau Ga Sau dabang ni gaw naw pat da ai, ya bai bungli hpang nga ai ni gaw Miwa jarit bai hpaw wa ai hpang kaw nna bai shang wa ai Miwa ni galaw ai re, raitim gunrai ni gaw n mai shalai ai” nga nna tsun ai re.

Myen mung jarit chyinghka ni hpe Pang wa NDAK uphkang ginra hpe KIA pawng hpawm hpung ni zing madu la ngut ai hpang Miwa maga hte KIA lahkawng maga kawn Jarit chyinghka ni hpe Pat kau ai re.

Kade n nan ai hpang Miwa maga kawn KIO ningbaw ni hte hkrum shaga nna Jarit chyinghka ni hpe bai hpaw ya ai raitim Myen mung maga de na Langu htaw Mawdaw ni hta lai nna kaga hpa mung n shalai ai majaw gunrai manu ni naw rawt nga dingyang re lam mung chye lu ai.

Ya aten Pangwa ginra kaw N hprang Ga sau Htu bungli galaw nga ai ni gaw Miwa Mungdan masha ni rai nna Miwa ni gaw 2024 December 13 ya hta Miwa jarit chying hka Hpaw wa ai hpang kaw nna bai du shang wa ai ni re lam ginra masha ni tsun nga ma ai re.

Shiga – Hpring