Nnang Nawn Tsin Yam Hkrum Ai Aten Myen Hpyen Dap Kawn Nbungli Bawm Hte Lak Nak Kaba (64) Lang Gap Ai Lam NUG N Dau

Pajau Media

7 April, 2025

Myen mungdan kata March 28 ya shani kaw nna byin ai Nnang Nawn hpang April 4 ya du hkra rai yang Myen hpyen dap kawn nbungli bawm, laknak kaba dingsa gasat ai lam (64) lang galaw ai nga nna NUG n dau da ai re.

Myen mungdan ginra (11) daram du hkra nbungli bawm 48 lang daram jahkrat lai wa ai lam, Sagaing ginra hta 11 lang, Jighpaw mung ginra kaw gaw 5 lang htim gasat ai re lam, Sagaing ginra hta nbungli bawm htim gasat ai lam law dik re lam n dau da ai re.

Myen mungdan hta Nnang Nawn tsin yam hkrum nga ai aten nbungli bawm a majaw asak si sum ai 61 hte hkala hkrum ai lam 49 du hkra nga ai lam, dai hta Jinghpaw mung kaw marai 38 asak si sum nna marai 29 gaw hkala hkrum ai lam tsun da ai re.

Dai zawn sha Myen hpyen dap a laknak kaba dingsa gasat ai lam 15 lang galaw ai hta marai 7 asak si sum nna hkala hkrum ai marai 17 du hkra nga ai lam chye lu ai.

Myen hpyen dap gaw April 2 ya kaw nna 22 ya du hkra Myen mungdan ting gap hkat gan jahkring ai lam n dau ai raitim tatut hta nbungli bawm, lak nak kaba ni shani shagu gap bang nga ai re hpe mung chye lu ai.

Shiga – Zau