Pajau Media Channel
July 16, 2024။
Wunpawng Mundan Shanglawt Hpyen Dap Masat (3) Dap Ba Nmawk ginra kata KIA pawng hpawm hpyen hpung ni hte myen hpyen dap lapran gasat gala majan laja nga ai lam chye lu ai.
July 15 ya shana daw hkying 4:00 PM aten daram hta Nmawk HK.L.Y (347) hpyen hpung ni hte Nmawk Deng 7 maga de htu shadut shamu shamawt wa ai aten KIA, KPDF pawng hpawm hpyen hpung ni kawn htim gasat ai majaw gasat gala majan laja mat ai lam chye lu ai.
July 16 ya jahpawt hkying 6:00 AM aten daram hta mung Manmaw kaw na Nmawk maga de htu shadut lung wa ai Myen hpyen hpung ni hpe Dap Ba (3) hpyen hpung ni kawn htim gasat ai lam nga ai re. Gasat gala majan hta Myen hpyen dap maga kaw nna hpyen n-gun, Tank Hpyen mawdaw ni, Hpyen n-gun hpring hpring hte htu shadut htim gasat nga ai re.
Gasat gala majan hta Mung Manmaw muklum kaw daju ai Myen hpyen dap Hk.L.Y (47) dap kawn Man Je maga de lak nak kaba ni gap shadam ai lam nga ai re hpe mung chye lu ai. Ya aten N mawk hte Man Je ginra ni hta Myen hpye Dap hte KIA Pawng hpawm hpyen hpung ni lapran gasat gala majan laja nga dingyang re hpe mung chye lu ai.
Comments