Pajau Media Channel
4. 8. 2024
Jinghpaw mung Myitkyina ginra kata nga ai Asuya nre ai NGOs, INGOs wuhpung wuhpawng ni hpe atsawm jen jep ai lam galaw na matu Myen hpyen dap asuya kawn seng ai asuya rung lakying ni de laika shabra da ai lam nga ai re hpe chye lu ai.
Ya na zawn asuya rung ni de laika shabra wa ai lam gaw NGOs, INGOs wuhpung wuhpawng ni gaw gabaw amyu myu shaw nna masing hkran bungli galaw wa ai hta Asuya a magam bungli ni hpe dingbai dingna jaw ai re majaw tinang ginra kata de du shang wa ai wuhpung wuhpawng ni a galaw nga ai magam bungli lawng lam ni hte seng nna asuya rung tsang hte tsang lit la nna atsawm jen jep na matu matsun wa ai lam re lam chye lu ai.
N dai matsun laika hpe Myen hpyen dap asuya kawn Myitkyina ginra kata nga asuya rung lakying ni de lai wa sai July 25, 2024 ya shani n htoi hte shabra da ai re hpe mung chye lu ai.
Comentarios