Myitkyina Shatapru Manau Wang kaw nga ai WorldFish Rung hta WorldFish and MFF (Myen mungdan Nga Hpaga Hpung) kaw na Rung magam gun ni hte Jinghpaw mung kata nga ai Nga hpaga galaw nga ai hpaga masha ni December praw (1) ya shani hkrum zup hpawng galaw ai lam nga ai.
“2018 kaw nna WorldFish hte MFF kachin ni pawng hpawm nna Nga hpaga masha ni hpe Nga amyu hpan lata ai lam , Nga shat gayau ai lam hte rem ladat hpaji ni hte seng nna ta gindun galaw ya taw ai Manga ning de du wa sai re, Hpaga galaw masha ni a matu akyu nga ai re majaw WorldFish kaw nna Manga ning masing (project) htum mat sai raitim Lahkawng ning bai jat nna madi shadaw sa wa na masing nga ai, N dai Wunkat hpe Nga hpaga galaw nga ai masha ni tang du hkra lung shangun mayu ai nga nna ” WorldFish kaw nna Jinghpaw Mungdaw ginra na lit nga ai salang Sara Yu Mg kawn tsun da ai re.
Nga hpaga galaw masha ni hte hkrum zup hpawng galaw ai lam gaw du wa na January shata laman Nga nli jat wa hkra rem ladat hte Nga amyu hpan lata la ai lam hta mahkrun jaw jaw hte galaw sa wa lu na matu sha n-ga Ningmu jahpaw hpawng galaw sa wa na masing ni hpe tau hkrau hkyen lajang wa ai masa mung re nga nna MFF kachin lithkam Sara Aung Naw tsun ai re.
Ta tut hta Nga hpaga galaw nga ai Waimaw kaw na Salang U Hawng Hu tsun ai hta “Anhte hpe ya na zawn mahkrun jaw jaw hte Nga rem lu hkra hpaji jaw ai sha n-ga Nga amyu Hpan hte shata shagu na Jat wa ai jahpan ni hpe matsing Ningting hte hkrak woi galaw ai majaw ram ram Awng dang ai lam” tsun ai re.
Nga hpaga galaw ai ngu ai hta Nga rem ladat hpe mahkrun jaw jaw hte galaw lu na matu, Nga n li shakraw la ai lam,Nga shat gayau ai lam, Nga rawng shara Lawng kaw bang ai Hka, san seng lam hte Nga Lawng htu ai lam hpe gara masa hku galaw na ngu ai kaw na hkawt Mahkrun jaw jaw hte galaw lu na matu sharin ai re lam mung chye lu ai.
Comments