Pajau Media
18 Dec 2024
Myitkyina ginra hta ndai laman asak ram ai ramma ni, ma kaji ni matut mahkai n lu mat ai mabyin law nga ai lam ginra masha ni kaw na chye lu ai.
Mat mat ai masha law malawng gaw asak 10 ning lahta hte 35 ning lapran la sha ni rai nna num kasha ni mung lawm ai lam chye lu ai. Ya aten Myen hpyen dap hte KIA lahkawng maga kawn hpyen lahkawn ai lam law nga ai re hte asak ram ai ramma ni hpe gaw hpyen lahkawn mat ai rai na re nga nna tsun maram nga ma ai raitim gara maga de lawm mat ai ngu hpe gaw n lu tsun ai lam chye lu ai.
Lai wa sai December praw laman hta Myitkyina Muklum pyaw chyai shara rai nga ai Sein Mya Ayar Nampan Sun (စိမ်းမြဧရာ ပန်းခြံ) hte Du Kaba Aung San Magri Sumla (ဗိုလ်ချုပ်ကြေးရုပ်ထု) lapran kaw amyu shayi lahkawng sat hkrum ai manghkang hte gindun ai majaw hprawng hkawm ai ni mung lawm na masa nga ai lam ginra masha ni tsun maram nga ma ai re.
Mat mat ai ramma n kau gaw dum nta hte matut mahkai lu ai ni nga ai zawn n kau gaw ya aten du hkra matut mahkai n lu, mat taw ai ni naw nga ai majaw kanu kawa ni myit ru myit tsang nga ma ai re hpe mung chye lu ai.
Comentarios