Nbungli Hte Bawm Sa Jahkrat Ai Majaw Hpara Kawng Kaw Nga Ai Mung Masha Lahkawng Asak Si Sum Mat Nna Marai Matsat Hkra Machyi Sawng

Pajau Media

3 April 2025

Majan byin ai lam nnga ai Sagaing Indaw Myo Ma hpyng gyi jawng hpe myen hpyen dap ni kawn nbungli hte bawm sa jahkrat ai majaw Hpara Kawng kaw nga ai mung masha lahkawng asak si sum mat nna marai matsat hkra machyi sawng ai lam Indaw ginra masha ni kaw na chye lu ai.

April 1ya shani ka-ang hkying 12 lamam aten hta myen hpyen dap ni Jet Fighter lahkawng hte bawm sa jahkrat gasat wa ai re.

Dai Jet Fighter nbungli gaw Myeikhtila nbungli dap kaw na Y-12 hpyen madi ya ai bawm jahkrat ai baw nbungli rai nna Indaw ginra kata bawm sa jahkrat ai kaw Myo Ma hpyng gyi jawng Hpara Kawng kaw hkrat wa nna Hpara Gawng Ngu Sumla mung hten za mat ai lam chye lu ai.

March 28 ya shani hta bying lai wa ai nnang nawn hte matut byin taw nga ai nnang nawn a majaw hpyen dap ni na Naypyidaw hte Tada-U nbungli pa hkra hten ai ni nga ai raitim Magway hte Myeikhtila kaw nga ai nbungli dap kaw na nbungli ni lung lung yu yu galaw nga ai rai nna nbungli hte gap gasat ai mung matut manoi galaw nga dingyang re nga nna tsun ai.

Maga mi hta mung myen mung lawu daw ginra ni hta nnang nawn a majaw garum madi shadaw lam ra taw ai ten garum ai lam ni ngalaw ai sha myen hpyen dap ni kawn Jinghpaw mung kata nbungli, drone ni hte gap gasat ai ni matut manoi galaw nga dingyang re.

Shiga – Kachin Pyi Tar