Pajau Media
4th March, 2025
Mogaung ginra, Namti muklum Kan La mare hta dum nta langai sinat kadun lang ai wuhpung ni kawn damya mya hkrum ai lam byin lai wa ai hpe chye lu ai.
Lai wa sai February shata 28 ya shani hta hka htung hta bang ai wut din galaw ai nta langai hta masha marai mali gaw pawng hpawm nna sinat kadun langai hpra lang let, damya shang mya kau da ai hpe chye lu ai.
Dai sinat kadun ni hta na sinat langai sha sinat kaja rai nna, ngam ai sinat masum gaw gunsup rai re ai hte nta masha ni hkrit kajawng mat hkra, jahkrit shama gumhpraw masu hpyi ai re lam chye lu ai re.
Damya marai mali hta Namti tsi seng kaw na la langai lawm ai re hte dai wa hpe gaw Namti balik dap kawn rim magra zing da lu sai raitim, ngam ai marai masum hpe gaw matut sagawn jep joi nga ding yang re hpe chye lu ai.
Jinghpaw mung kata shara shagu hta ndai aten laman damya mya ai mabyin hte kaga lagu lagut mabyin ni, masha sat mabyin ni gaw, bat mi hta mabyin langai yawm htum byin taw nga ai re hpe mung matut chye lu ai.
Shiga - MK
Comments