Pajau Media Channel
10th July, 2024
July praw hta byin lai wa ai Hka kaba tsin yam a majaw Mung masha ni hta sum machyi mat ai arai ni yawng hpe Kabai majaw da ai Japan lam na Maza bum hpe July 10 ya kaw nna Myikkyina Municipal hpung ni kawn jasan jaseng hpang sai re.
Hka lim manghkang byin ai hpang shara muklum kata hta hten za mat ai arai ni yawng hpe Japan mahkrai lam ntsa na hpunggaw kaw kabai sum bum da ai gaw lai wa lai sa pyi yak mat ai madang byin mat ai re nga makau grup yin hta shanu nga ai mung masha langai tsun ai re.
“ lawk ting na maza ni hpe n dai shara kaw sha wa kabai ma ai majaw lai na pyi n loi mat ai, marang gaw matut manoi bai htu ai re majaw grai manam ai, grau grau sawng wa ai hkam ja lam pyi hkra machyi wa mai ai, ya na zawn wa zing hpang ai gaw tsamai mat ai ga re”
Japan mahkrai lam na hpung gaw kaw lai wa sai ten kaw nna mung maza kabai na matu san da ai shara gaw re, raitim June 29 ya kaw nna lamu ga nem ai shara hkan na Hka lim hkrum mat ai hpang dai shara kaw maza grai law mat ai re. July 3 ya kaw nna hka hkrat sai raitim Hka lim hkrum ai lawk n kau hta ya aten du hkra Jasan jaseng lam ngut kre ai lam n nga ai sha galaw nga dingyang re lam ginra masha ni tsun ai.
Comments