Pajau Media
16.1.2025
Jinghpaw mung Myitkyina muklum kata lai wa sai January 14 ya kaw nna myi hprap wan n sa ai aten grau na wa ai hte lani mi hta myi hprap wan hpe hKying hkum 6 daram sha jaw sana re lam Buga myi hprap wan Company kawn n dau da ai re.
Myitkyina muklum hte Waingmaw muklum ni hta myi hprap wan jaw nga ai Buga wan jak gaw myi hprap wan n-gun n law ai majaw myi hprap wan hpe aten man man n lu jaw ai re lam, lawk hte lawk aten masat nna she jaw sa wa na re lam n dau da ai re.
Myitkyina muklum kata nga ai lawk ni hpe A, B, C ngu masat garan nna masat da ai lawk ni de garan nna lani mi hkying hkum 6 jaw sa wa na re nga nna tsun da ai re. Ya aten Myen mungdan ting hta myi hprap wan n lu ai masa gaw sawng dik masa de du nga ai re. Ya aten Yangon muklum kaba kaw mung lani mi hta hkying hKum 8 sha jaw sa wa na re lam Myen hpyen dap kawn n dau da ai re.
N dai masa hta Mung masha ni gaw myi hprap wan a malai shadu lu shadu sha ai kaw jai lang na matu wan n-ga hte hpun ni hpe madung jai lang wa ai rai nna ya aten wan n-ga buk mi kaw lap 60,000 MMK du nga sai hte Hpun Dang Mi kaw sen lam jaw nna mari lang ra ai re lam mung chye lu ai.
Shiga – Zaw
Comentarios