Pajau Media
26.12.2024
Ya aten Myitkyina Muklum lam hpung gaw hkan Myen hpyen dap shara la nna hkawm sa hkawm wa mawdaw ni hpe sha n-ga lai wa lai sa cycle ni hpe du hkra hkap jahkring san jep ai lam ni grai galaw nga ai re.
Myitkyina Muklum lam kaba makau hkan hpyen hkring hte hkrak rai nna Hpyen La ni,Balik ,Mawdaw cycle gawn hkang Balik ni lawm rai nna Lam makau hkan tsap nna san jep nga ai re.
Lai wa lai sa Mawdaw ni hpe sha sawk jep ai raitim n tsen nhten ai cycle n kau hpe mung hkap jahkring ai re lam mung masha langai tsun ai. “ dai hpawt sha Kanau tsi rung rawng ra ai majaw arai htaw nna Mai shi maga de na yu wa ai shaloi Manhkring rap daw rung shawng kaw mawdaw cycle ni hpe hkap jahkring nna grai jep nga ai, an nau hpe mung jahkring ai, An gaw tsi rung sa na ngu Yang bai shalai dat ai re grai jep nga ai” nga nna tsun ai re.
ya na zawn sawk jep ai lam hpe Mawdaw la ni tsun ai hta KIA, PDF ni hpe garum jaw na matu gunrai htaw mawdaw ni nga ai lam shiga ni mawng nga ai mjaw laja lana sawk jep wa ai masa re nga nna Mung tsun ai re.
Myen hpyen dap gaw Muklum kata shara la shamu shamawt ai lam ni shawoi na hta grau galaw wa ai majaw Mung masha rim hkrum ai lam law nga ai sha n-ga muklum kata shamu shamawt nga ai KIA, PDF masha ni rim hkrum ai lam mung law wa ai re hpe mung chye lu ai.
Myen hpyen dap gaw shana aten shamu shamawt ai lam grai galaw wa ai majaw hkawm sa hkawm wa lam ni grai sadi maja ra ai lam lit myit su salang ni tsun ai re .
Comments