Pajau Media Channel
July 17, 2024။
Jinghpaw mung Myitkyina Muklum kaw July 16 ya jahpawt hkying 8 jan aten daram hta ja seng langai kaw damya mya manghkang byin ai hta seng madu ram ram hkala sawng mat ai lam chye lu ai.
Damya mya hkrum ai ja seng gaw Myitkyina muklum KBZ gumhpraw dum shawng kaw nga ai Moe & Nyein Jewellery seng re lam chye lu ai. Mabyin gaw myi man magap da ai la marai 4 gaw sanat laknak ni lang let du wa nna damya shang mya ai re.
Damya manghkang byin ai hta seng kata kaw seng madu hte chyare num kasha lahkawng nga ai rai nna dai chyare num kasha lahkawng hpe gaw hka shin lawng kaw shingdang da ai hpang seng madu hpe arai gashun a dup gayet ai majaw seng madu ram ram hkala mat ai re lam chye lu ai.
Seng madu kawn bai n htang htim dat ai majaw ja arai hte gumhpraw hpe lu makawp dat ai raitim seng madu gaw hkum hkrang hkala ningma lu mat ai sha n-ga baw kaw sawng ai ningma lu mat nna masum lang chywi kau ra ai lam mung matut chye lu ai.
Comments