Pajau Media
27.3.2025
Jawng hpaw Mung Myitkyina kaw Myi Wan n sa ai aten gaw lai wa sai ten na hta grau law wa ai majaw Myi hprap wan jai lang nna galaw ra ai magam bungli ni dingyang lu galaw na matu yak hkak wa ai lam ginra masha ni tsun ai.
“ Wan n sa ai aten gaw grau law wa ai, shawoi nga Yang Lawk hte lawk aten masat nna aten man man jaw ai re, raitim n dai laman shawoi masat da ai zawn n sa sai,di majaw cycle wan n-gun bang ai zawn re ai ni, Phone wan n-gun bang ai zawn re ai ni grai yak mat sai” nga nna ginra masha tsun ai.
Myitkyina Muklum kata nga ai Lawk ni hpe A,B,C garan nna lani mi hta hkying hkum 6 hku nna dingyang jaw ng ai raitim G-12 Dakkasu Jawng san poi htai hpang wa ai kaw nna Myi hprap wan Man man n sa sai majaw Buga Wan Rung de san Yu Yang Wan n-gun n law ai majaw re nga nna tsun ai re.
“ n dai laman wan n sa ai aten grai law ai majaw buga Rung de san Yu Yang Wan n-gun n law ai majaw re nga nna tsun ai” nga nna ginra masha langai tsun ai re.
Ya aten Myitkyina Wai Maw ginra hpe jaw nga ai Myi hprap wan gaw Buga wan Rung kaw nna jaw ai nre hte Myen mungdan Lawu daw asuya madu ai kaw na garan jaw ai Wan re lam mung chye lu ai.
Shiga- Hpring
Comments