Pajau Media
5th August, 2024
Jinghpaw Mung Myitkyina Muklum gat kaba ntsa htap kaw gunrai dut nga ai mung masha ni hpe shara htawt sit na matu Myen hpyen dap asuya kawn tsun wa ai lam nga ai re hpe gunrai dut masha ni tsun ai kaw na chye lu ai.
Lai wa sai August shata daram kaw nna muklum gat kaba ntsa htam kaw gat dut nga ai ni yawng hpe shara htawt sit na matu tsun wa ai lam nga ai re hte gunrai dut nga ai mung masha ni hku nna htawt sit na matu hkyen lajang wa ai masa re hpe mung chye lu ai.
Gat dut masha langai tsun ai hta lawu Myen mung ga Mandalay gat kaba ntsa htap ni hkan Myen hpyen ni shara la kau sai re majaw Myitkyina Muklum gat kaw na gunrai dut nga ai gat dut masha ni mung htawt sit na matu galaw wa ai masa re nga nna tsun ai re.
Muklum gat kaba 1, 2 ntsa htap kaw law malawng dut nga ai gunrai ni gaw rai Chwi ai mung masha ni, sumpan hte seng ai gunrai ni, makam masham hte seng gunrai hpan hkum dut nga ai re. Dai sha n-ga Myitkyina Muklum kata nga ai Balik Dap hte asuya rung hte seng ai shara makau mayan hta shanu nga ai Mung masha ni hpe mung lit nga ai asuya kawn lawan ladan shara htawt sit na matu laika shabra ai lam n inga ai re hpe mung chye lu ai.
Comments