Pajau Media
27 February 2025
Myitkyina-Mandalay mawdaw lam hpe aten nmsat lam pat da ai a majaw mawdaw 500 ram chyat rawng nga nna bu hkawm masha marai tsa hku yak hkak nga ai hpe Myitkyina-Mandalay mawdaw sara ni kaw na chye lu ai.
“Bu hkawm masha ni yawng jam jau hkrum taw nga ai, madung gaw ahkyak bungli na matu tsun tawn da ai aten ni lai mat ai. Kanu kawa lasu su ai hte hkawm sa ai rai tim ndep ai masha ni mung nga ai. Sanpoi htai na matu sa ai jawng ma ni mung chyat rawng taw nga. Gumrai ni ma yet nna sum ma ai yawng yak ai,” nga nna Indaw kata pat rawng taw nga ai mawdaw sara langai mi tsun ai kawn chye lu ai.
Indaw mare hta February 18 ya shani kaw na Sam Hkyeng P.T.Ts hte K-PDF dap hpung ni a lapran majan byin ai majaw lam hpe rawt malam hpung ni kawn aten nmasat na pat da ai gaw bat mi jan wa sai re hte madaw 500 ram chyat rawng taw nga ai hpe mawdaw sara ni tsun ai kawn chye lu ai.
Mawdaw law law pat rawng taw ai hta sha n-ga namlaw namlap hte sha hpa gunrai nkau mi yet mat nna pat rawng taw ai mung masha ni mung hkying hku re ai re hte nga na shara hte yup na shara kaw na hkawt yak hkak nga ai lam hpe bai matut tsun ai re.
“Mawdaw sara ni mung gunrai mawdaw ni mung yawng sum ai. Hpyen lahkawn na mung tsang ra ai,” nga nna Kanbalu hta pat rawng taw ai mawdaw sara langai mi tsun ai.
Ya Myitkyina-Mandalay mawdaw lam hta mawdaw sara ni hte bu hkawm masha ni chyat rawng taw ai shara ni gaw Indaw hte Kanbalu kata hta majan a majaw chyat rawng taw ai rai nna jam jau hkrum nga ma ai lam hpe chye lu ai.
Dai rai nna dai lam ni hta Myen hpyen dap ni hte KIA lahkawng maga na hpyen lahkawn ai ni laja lana galaw nga ai hpe mung matut chye lu ai.
Shiga-Kachin Pyi Tar
Comments