Pajau Media Channel
July 15,2024
N dai laman Jinghpaw Mung, Myitkyina Muklum kata gumhpraw dum kaw na gumhpraw shaw la ai lam hpe Myen Hpyen dap kawn jum tek masat kau ai re hpe mung chye lu ai.
Ya aten gumhpraw dum kaw nna lani mi hta law dik sen 20 sha shaw ahkang jaw da ai re hte kaga ATM jak ni hkan gaw bat mi hta law dik sen 10 sha mai shaw ai lam, gumhpraw shalai ai, shaw la ai ai lam hta mung shawoi na zawn tinang ra ai hta hkan nna tinang kam ai ram shaw la n mai ai masa re majaw mung masha ni yak hkak nga ma ai re.
Myen hpyen dap kawn July 1 ya kaw nna Myen Mungdan kata nga ai Yoma, Eyawaddy, UAB, Myanmar Metro gumhpraw dum hte seng ai gumhpraw dum 7 hpe Myen Mung gumhpraw dum ginjaw kaw nna masat da ai hta jan nna shaw la ai ni hpe ahkyak la na re lam n dau da ai lam mung nga ai re hpe mung chye lu ai.
Gumhpraw dum ginjaw kaw nna ya na zawn n dau wa ai hpang July praw 2 ya kaw nna gumhpraw dum ni hta gumhpraw shaw ai masha grau grau law wa ai hte Myen Hpyen dap kawn gumhpraw dum kaw nna gumhpraw shaw la ai lam bai masat kau ai re hpe mung chye lu ai.
N dai lam hte seng nna gumhpraw dum magam gun ni tsun ai hta ya na zawn masat kau ai gaw Myen Hpyen dap gumhpraw dum ginjaw kaw nna matsun ai majaw galaw ai re lam tsun ai re. Gumhpraw dum kaw gumhpraw shaw ai lam hte seng masat kau ai gaw July praw kaw na rai sai re, shawng na bat hta gaw sen 50 du hkra mai shaw ai re raitim n dai bat hta gaw lani mi kaw sen 20 sha mai shaw ai lam tsun da ai re.
Comentarios