Pajau Media Channel
9th August, 2024
Myen mungdan kata ya aten na Ja manu ni gaw Ja Lap Mi kaw sen 71 du hkra rawt lung wa nna, Yangon ginwang Ja hpaga bungli hpung ni tara shang masat da ai Ja manu gaw lap 4,689,204 du hkra tsaw nga ai re hte American Dollar galai ai manu gaw dollar mi hta Myen gumhpraw Kyats (6,000) du hkra tsaw nga ai lam ginra gat lawk shiga kaw na chye lu ai.
Shinggan kaw gumhkawng nga ai Ja manu gaw Ja lap Mi kaw sen 71 manu du nga ai raitim Yangon ginwang Ja hpaga bungli hpung ni YGEA kawn masat da ai manu gaw Sen 48 ram hte dut na matu masat da ai re hpe mung chye lu ai.
2024 January praw laman Ja Lap Mi hta Sen 3,710,000 hte tsaw hpang wa ai re hte February shata laman sen 38, 39 lapran galai wa ai re hpe mung chye lu ai. March shata laman kaw nna Ja Lap Mi hta sen 40 jan du hkra tsaw lung wa ai hpang kawn shani shagu grau grau tsaw lung nga ai re hpe mung chye lu ai.
April shata laman hta Ja Lap Mi hta sen 47 du hkra du mat ai rai nna, May shata daram hta gaw Sen 58 jan du hkra kalang ta tsaw lung wa ai hte ya aten sen 71 du hkra tsaw nga dingyang re lam chye lu ai. Ya na zawn Ja manu ni, Dollar manu ni gau ngwi ngwi tsaw lung wa ai gaw mung masa a majaw gumhpraw manu n nga wa ai maga de du wa ai re lam chye lu ai.
Comments