Myen Hpyen Dap Gaw Nammati Mogaung Hka Mayan Hta Hpyen Shamu Shamawt Lam Galaw Nga

Pajau Media

30.1.2025

Jinghpaw mung Nammati hka hte Mogaung hka mazup kaw Myen hpyen dap Hk.L.Y (381, 381) dap na n-gun (50) grup yin nga ai hpung ni gaw January 29 ya jahpawt daw kawn hpyen shamu shamawt ai lam galaw nga ai lam ginra masha ni tsun ai.

Myen hpyen dap gaw hpyen shamu shamawt ai lam ni galaw nga ai hta lai wa lai sa mung masha ni hpe n-gu mam zawn re ai ni hpe Yi, Hkau na de htaw lahka da ai lam ni n galaw shangun ai sha n-ga KIA dap gara shara kaw nga ai, kade ram tsan ai, n-gun kade nga ai ngu ai lam ni hpe san jep ai lam ginra masha ni tsun ai re.

Ya aten Manmaw hte Indaw ginra ni hta KIA pawng hpawm hpung ni hte Myen hpyen dap lapran htu shadut htim gasat majan laja nga dingyang re hte gasat gala majan laja nga ai shara de Myen hpyen dap kawn nbungli bawm, Drone ni hte htim gasat nga ai re .

Indaw ginra de lai wa sai January 27 ya kaw nna Indaw muklum zing madu majan kalang bai byin hpang wa ai gaw ya aten hta Posts kasha lahkawng daram hpe zing madu la lu sai lam chye lu ai.

Shiga – Htu Seng