Pajau Media
23.1.2024
Myen mungdan hten za hkra Rawt malan hpung ni nan galaw ai lam Myen hpyen dap ningbaw tsun mara shangun nga ai raitim maga mi de Myen mungdan kata N bungli bawm dingsa gasat ai lam ni grau grau galaw wa ai re.
2025 January (1) ya kaw nna (18) ya laman Myen mungdan kata Myen hpyen dap n bungli bawm dingsa gasat ai lam 31 lang lahta galaw ai hta Mung masha dum nta (363) lahta Hten za ai lam Myen mugndan kata na shiga dap ni hkan tang madun da ai.
Ya Aten Jinghpaw mung sha n-ga Rahkai Mung, Kayin, Kareni, Sam Mung ginra hkan N bungli bawm dingsa gasat ai hta January 1 ya kaw nna 18 ya laman Myen hpyen dap a htu shadut htim gasat ai lam, n bungli bawm, Laknak kaba ni a majaw Myen mungdan ting hta asak si sum ai Mung masha 108 lahta nga sai lam mung ginra shiga dap ni hkan tang madun da ai re.
Myen mungdan masa hpe Mung masa hparan ai ladat hte hparan na matu Myen hpyen dap Ningbaw gaw January 4 ya shani ang Ai Myen Mungdan Rawt Malan N Htoi hta tsun lai wa sai raitim January shata laman sha gasat gala majan a majaw Hpyen yen mung masha 1,500 jan nga sai hte law malawng Sagaing ginra hte Magwi ginra na law dik re lam tang madun da ai re.
2025 shaning gaw Rawt malan hpung ni a matu awng dang ai Ninggam langai de du lu hkra ngu ai masing kata gasat gala majan gaw grau grau laja wa mai re ai lam Myen mungdan mung masa maram masam nga ai ni tsun da ai re. Myen ting masa hku rai yang January shata N htoi 18 ya laman Gasat gala Majan (145) lang daram byin sai lam Myen mungdan shiga ni hta tang madun da ai kaw na chye lu ai.
Shiga – Pyilan U
Comments