Mung Shawa Ni Hkawm Sa Hkawm Wa Galaw Nga Ai Lam Maw Kaw Myen Hpyen Dap Hte Mung Asuya Magam Gun N kau Ja Htu Sha Ai Hpe Ahkyak La Na Matu Mung Masha Ni Ra Sharawng Ai Lam

Pajau Media Channel

29th April, 2024

Indaw Gyi ginra Mai Nawng makau mayan mung shawa ni lai wa lai sa galaw ai lam maw hpe mung shawa ni hpe san jahkrup ai lam n nga, gumhpraw Sen mun lahkawng jan daram hte mari la nna ja htu sha nga ai lam ginra masha ni tsun ai.

"Mai Nawng mare uphkang salang gaw lamu ga dut mari ai bungli galaw ai hta mayun kumhpa law law sha da ai, ja lauban marai masum pawng nna gumhpraw sen mun lahkawng hte mari la ja htu sha nga ai re" nga nna ginra masha langai tsun ai re.

Ja htu sha ai majaw hten za mat ai lamu ga hka shi hka nu ni hpe bai shara da na nga ga sadi lekmat htu da ai raitim Mai Nawng ginra na ja htu sha ngut sai shara ni hpe n tsa lam sha galaw masu ai masa sha re nga nna ginra masha ni tsun ai.

Ja ladu lai htu sha ai majaw lamu ga hten za ai Hka lam ni shai mat ai majaw lanam ladaw marang htu sawng yang lamu ga gyi manghkang ni, shingran hpyen a tsin yam hpe ginra madu ni sha hkam sha ra ai re majaw Indaw Gyi ginra masha ni gaw ginra masha ni hpe san jahkrup ai lam n nga kam ai hku galaw sha ai masa hpe lit nga ai ni kawn ahkyak la ya na hpe ginra masha ni ra sharawng nga ma ai re

Shiga - Kachyin Pyi tar