Pajau Media
2.12.2024
Mohnyin ginra kata Jak Sau htaw dut taw ai ni hpe Myen hpyen dap kawn Licence n lu ai dut sha ai ngu nna rim nhtawm lawm wa ai gumhpraw ni hpe mung zing la ai lam masha mung masum ya darma Hkyuk sharawng ai hte Sen htu shangun na bai dat ai lam ni galaw nga ai re nga nna ginra masha ni tsun ai kaw na chye lu ai.
Rim la hkrum ai masha a Jinghku langai tsun ai hta “Indaw lagu lai ai lam hku nna cycle, Leng masum ni hte sau htaw ai re, Namma makau kaw du yang Jak Sau mari na matu hkap jahkring ai majaw dut ya ai. Dut taw shaloi gaw n rim na dut ngut na grunhpraw la ai shaloi she Licence n lu dut taw ngu tsun na rim la nna Ngam taw ai Sau Pepa lahkawng hte dut kau ai Pepa mi na manu ma zing la nna masha hpe gaw Seng htu shangun na bai dat dat ai ngu tsun ai.
Tinang Dang di ai masa hku Jak Sau htaw shalai dut sha taw ai ni hpe mung Licence n lu yang rim ahkyak la na lam shiga ni pru taw ai majaw Muklum kata Jak Sau dut taw ai seng ni Yawng ngu na daram pat da ai lam mare masha mare masha ni tsun ai re.
“ nta shawng kaw mai byin ai hku kaji kajaw dut ai Sau seng kasha n kau ni mung Licence N lu ai majaw yawng pat da ma ai lai wa sai masum ya shani pyi 1 Liter kaw lap 7800 sha naw re wa dai ni gaw Liter mi hta lap11,000 rai mat na cycle Sau htaw cycle ni grai law taw ai, hkying lam nga ai” nga nna tsun ai.
Ya aten Jinghpaw mung daw hta Miwa jarit lam ni pat da ai majaw jak sau gunrai ni grai taw nga ai re, Kanpaiti jarit lam langai mi sha hpaw taw tim Miwa mag ana Mawdaw nshang ai majaw gun rai ni taw nna Jak Sau manu grau rawt jat wa dingyang re hpe mung chye lu ai .
Jak Sau manu grai rawt wa ai majaw cycle hte mayun lam hku nna Jak Sau htaw ai ni law wa majaw lam lapran hkawm sa hkawm grai chyat ai hte cycle Accident jahkring hkring byin ai lam Mawdaw sara ni matut tsun dan ai kaw na chye lu ai.
Yorumlar