Pajau Media Channel
Myen mungdan kata Mung masha ni, mara tam sat hkrum ai lam gaw 2021 hpang daw kaw nna laning hte laning sawng nga ai re hte Mohnyin, Indaw Gyi ginra Nam Mun bum kaw shara jahkrat nga ai Myen hpyen dap ni gaw shagyit hku lai wa lai sa galaw ai mung masha lahkawng hpe gap sat ai lam Jan 22 ya shani byin lai wa sai re.
“Lai wa sai shani rai nga ai hkying matsat jan daram hta byin ai re, hpyen dap shagyit makau de du hkyen yang cycle ganawng nna lai ra ai hpe kalang ta gau mat ai majaw sinat hte hkan gap ai hta kalang ta dai shara kaw nan si mat ai, dai ginra de hpyen n-gun htu shadut ai lam ni mung nga ai, ya aten dai ginra masa gaw hpyen masa grai shaja hkat ai masa nga ai” nga ai lam Nam Mun shagyit hta lai hkawm ai aten dai mabyin hte hkrum katut ai mung masha langai tsun dan ai re.
N dai mabyin hte seng nna ginra masha ni hpe san sagawn yu yang asak si sum mat ai Mung masha lahkawng gaw gara ginra de na re ngu ai hpe tup hkrak n chye lu ai re lam tsun ai. Indaw Gyi ginra Nam Mun bum shagyit hta hkawm sa hkawm wa gunrai htaw maw daw ni hpe gumhpraw hta sha ai lam, cycle ni hpe jep joi ai lam ni dingyang galaw nga ai re hte Mung masha ni hpe mara tam matsa mawa tsun shaga ai ni galaw ai re lam ginra masha ni tsun ai kawn chye lu ai.
Shiga- Kachin Pyi Tar
Comments