Mohnyin Ginra Hta Sam Hkyeng P.T.Ts Ni Hpyen Lahkawn Nga

Pajau media

4 March 2025.

Jinghpaw mungdaw, Mohnyin ginra hta Sam Hkyeng P.T.Ts ni kawn lahkawng ya hpren hpyen lahkawn ai hta ramma ni grai lawm mat wa ai lam dai ginra kaw nga ai Masha ni tsun ai re.

April 3 ya shana hkring 8 chyen ram hta Khan Daw Kone lawk hte Bossy hpalap seng hte Thaw Win Billiards ginsup ai shara hta wifi lang taw nga ai ramma marai (10) jan hpe rim woi la mat ai re nga nna hprawng lawt wa ai masha Langai tsun ai re.

Bossy hpalap seng kata wifi lang taw nga ai ramma ni hpe mawdaw lahkawng hte sa wa nna kalang ta rim woi mat ai re hte hprawng ai ni hpe gaw Sam Hkyeng P.T.Ts ni kawn sinat hte hkan gap ai rai tim masha hkra ai lam nnga ai hpe mung chyelu ai.

Dai sha n ga April 2 ya shani hkring 3 chyen ram hta mung Khan Daw Kone lawk kaw na Ngwi Pin Le Futsal Gawdin ginsup taw nga ai asak(20) jan ram re ai ramma marai (11) hpe mung matut rim woi la mat ai lam mung matut chye lu ai.

Rim woi la hkrum ai ramma marai(11) gaw Taiwan de jawng sa lung na matu Sein Le Yay Miwa jawng hta jawng lung taw nga ai jawng ma ni rai nna Inndaw Gyi ginra hta na hpyen yen ni re ai lam chye lu ai.

Mohnyin ginra hta Myen hpyen npu na Sam Hkyeng P.T.Ts hte gara npu kaw mung nnga ai Sam Hkyeng P.T.Ts ni nga nna uhpung lahkawng karan nga ai kawn ya hpyen lahkawn ai gaw gara hpung ni re hpe gaw nchye ai lam Mohnyin ginra masha ni kawn na chye lu ai.

Shiga - Kachin Pyi Thar