Pajau Media
6.1.2025
Gasat gala majan a majaw matut mahkai lam dawm da ai Jinghpaw Mung kata Mawdaw Cycle adawt manghkang a majaw asak si sum mat ai ni a nta masha ni hpe matut mahkai n lu ai hte shinggyim nau na garum hpung ni hku nna sha lit la makoi kau ra ai lam ni law nga ai re hpe mung chye lu ai.
2024 shaning htum maga shata (3) laman Mawdaw Cycle adawt manghkang a majaw asak si sum ai lam law wa ai re hte marai (10) daram gaw matut mahkai yak ai majaw nta masha ni hpe n lu sagawn nna sha shangut kau ra ai lam Mohnyin ginra kata na Shinggyim nau na karum hpung ni tsun ai re.
“Mohnyin ginra kaw mung December shata laman Mawdaw Cycle adawt manghkang a majaw asak si sum ai lam law ai, Mung Chying Masat mung n lawm, kadai gara kaw na re mung n chye, gara kaw matut ra na re n chye, dai hku makoi kau ra ai lam ni law ai.”
Lai wa sai December shata laman hta sha Myitkyina muklum kaw mung mawdaw adawt manghkang a majaw asak si sum ai moi mang marai ( daram kaw nna marai (4) hpe gaw dum nta masha ni hte matut mahkai n lu ai majaw makoi kau ra ai lam nga lai wa sai re.
Myitkyina muklum kaw lai wa sai January 5 ya shani Myo Tit lawk kaw mawdaw hte cycle adawt manghkang byin nna Cycle gau ai amyu shayi kalang ta asak si sum ai lam nga lai wa sai re hpe mung chye lu ai.
Kachyin Pyi Tar
Comments