Masum Ning Laman Jinghpaw Mung Kata Myen Hpyen Dap Kawn Dum Nta Wan Nat Jahten Ai Sen Masum Jan Nga Wa Ai Lam

Pajau Media Channel

13.9.2024

Myen mungdan kata Myen hpyen dap Mungdan uphkang masa gashun la ai masum ning laman Myen hpyen dap kawn mung masha dum nta wan nat jahten ai lam galaw ai hta ya aten du hkra rai yang hten za mat ai dum nta Sen mi jan wa sai lam data For Myanmar kawn ndau da ai re.

Myen hpyen dap hte shanhte npu kaw nga ai Uhpung uhpawng ni kawn 2021 shaning hta mung masha dum nta 2,111, 2022 shaning hta 4,6856, 2023 shaning hta 31484 hte 2024 shaning July shata htum du hkra 21,012 du hkra hten za sai re. Hten za ai masa hpe yu yang 2022 December dum nta 10,562 wan hkru shadang law dik re hpe mung chye lu ai.

Myen mungdan ting madang hku rai yang sagaing ginra hta dum nta wan nat hkrum law dik re lam sagawn chye lu ai. Tsa lam shadang 72% du hkra re lam chye lu ai. Ya aten Myen hpyen dap hte rawt malan hpyen hpungni lapran hpyen masa grai shaja hkawt ai masa rai nna, Myen hpyen dap kawn gaw mung masha dum nta wan nat jahten ai lam ni dingyang galaw nga ai re hpe mung chye lu ai.

Myen mungdan masa gaw lani hte lani grai sawng nga ai rai nna shim lum lam, sut masa lam, shinggyim ahkaw ahkang lam ni grai hkrat sum nga ai re hte hpyen koi yen ai mung masha ni mung lani hte lani law jat nga dingyang re hpe mung chye lu ai.