Pajau Media
9.1.2025
KIA masat (9) Dap ba Masat (6) Dap Dung ginra de January 8 ya shana 10:40 PM aten daram hta Myen hpyen dap Y-12 N bungli bawm lahkawng wa jahkrat bun ai lam nga ai re hpe mung chye lu ai.
Lai wa sai January 6 ya shani hta mung Masat (9) Dab Ba, masat (26) uphkang ginra Se Zin ginra hta mung Sam Hkyeng P.T.Ts pawng hpawm hpyen hpung ni htu shadut wa ai majaw KIA pawng hpawm hpung ni hte gasat gala majan byin ai lam nga ai re hpe mung chye lu ai. dai shani hta sha Masat (9) Dap Ba ginra kata N bungli bawm wa jahkrat ai lam ni galaw wa ai re hpe mung chyelu ai.
Y -12 N bungli hte wa gap ai hta asak 40 ning re ai amyu shayi langai Bawm hkyep hkra hkala nna asak si sum mat ai lam tsun ai raitim Pajau Media kaw na alak mi shagrin lu ai lam n nga ai hte matut sagawn nga dingyang re. Matut nna Makau mayan na dum nta ni mung hten za ai lam matut chye lu ai re.
January 8 ya hkying 11:00 grup yin daram hta mung Man Je Muklum hte makau mayan na Myen hpyen dap shara yawng hpe KIA pawng hpawm hpyen hpung ni kawn zing madu la sai hte Masat (9) Dab Ba uphkang ginra kata de N bungli bawm wa gap bun ai lam nga ai re hpe mung chye lu ai.
Shiga – Htu Seng
Comments