Pajau Media
22.11.2024
KIA Masat (1) Dap Ba Uphkang ginra rai nga ai Putao maga de n dai bat laman Myen hpyen dap hpyen shamu shamawt ai lam ni shawoi na hta grau galaw wa ai majaw ginra masha ni myit tsang nga ma ai re.
Myen hpyen dap P.T.Ts pawng hpawm ni shamu shamawt nga ai Pakma mare, Lung Ga Kawng ginra ni hkan Myen hpyen dap shara jahkrat dap jung nga ai re hte hpyen n-gun jat shamu shamawt ai lam ni jahkring hkring galaw nga ai majaw gasat gala majan sawng wa na hpe ginra masha ni myit tsang nga ma ai re.
Myen hpyen dap gaw Mung mare masha ni hpe hpyen ninggang shatai nna hpyen n-gun jat shamu shamawt wa ai ni nga ai majaw hkawm sa hkawm wa masa lam ni hta san jep, shagyip wa na hpe Mung masha ni myit tsang nga ma ai re.
Lai wa sai November 20 ya shani hta mung KIA Masat 1 Dap Ba girna maga de Myen hpyen dap nbungli bawm Mali lang wa jahkrat bun ai hta Lahkawng gaw kapaw nna ngam ai Lahkawng gaw kapaw ai lam n nga ai re hpe mung chye lu ai.
Dai shani hta sha KIA Dung (7) maga de Myen hpyen dap kawn hpyen nbungli hte bawm Mali lang daram wa jahkrat ai hta Lahkawng kapaw ai lam chye lu ai. Ya aten Miwa jarit yawng hpe rawt malan hpung ni zing madu da sai hte hpang jahtum ngam ai Kan Pai Ti muklum hpe mung KIA pawng hpawm hpung ni kawn zing madu la kau sai re hpe mung chye lu ai.
Comentários