Pajau Media
10th March 2025
Ts.K.Hk (21) hte ngam nga ai hpyen dap ni hpe Wunpawng Mungdan Shanglawt Hpyen Dap (KIA) hpung ni kawn March shata praw 8 ya kaw nna kalang bai htu sadut htim gasat nga ai lam chye lu ai.
Ts.K.Hk(21), Hk.L.Y (47) dap hte dakkasu jawng kata na dap ni hpe KIA pawng hpawm dap ni kawn kalang bai htu sadut htim gasat nga ai rai nna, Myen hpyen dap ni kawn mung nbungli, Drone ni hte aja awa bai htim gasat ding yang re lam chye lu ai.
“March 8 ya kaw na re, dai ni du hkra gasat hkat taw nga. Grai shawng ai. Hein Awng nga ai sau seng mung wan hkru mat sai nga tsun ai. Dai seng gaw Ts.K.Hk (21) hte ni ai nga tsun ai. Myen hpyenla ni mung dai seng kaw sha makoi nga ai re,” nga nna ginra masha Slg langai tsun ai.
Shata 3 jan na wa sai Manmaw muklum zing majan hta Myen hpyen dap ni kawn Nbungli, Dorne ni hte aja awa ning hkap gasat nga ai raitim Ts.K.Hk (21) dap makawp dap kasha nkau hpe KIA ni kawn htim gasat la lu sai re lam chye lu ai.
Maga mi hta mung Myen hpyen dap a npu na Wara Zup Min Zay Thant P.T.Ts ni gaw Tanai- Ledo lam mayan hpyen masa samu samawt nga nna KIA hte gasat gala nga ai lam mung chye lu ai.
Shiga - Htu Seng
Kommentarer