Pajau Media
15th February, 2025.
Jinghpaw mung, Manmaw ginra hta Gumshem Myen hpyen dap kawn nbunglam hte Nbungli bawm sa jahkrat gap gasat ai majaw mungshawa hkala nna asak si sum ai lam, nga ai hpe chye lu ai.
February shata nhtoi 14 ya shani shana de hkying 4:00pm aten daram hta Manmaw ginra kata na Sing Hkan mare hta Myen hpyen dap ni kawn Jet Fighter Nbungli hte bawm 3 lang sa jahkrat gap gasat ai majaw mungshawa marai 2 asak si sum nna, marai 3 hkala sawng ai lam chye lu ai.
Asak si sum ai mungshawa marai lahkawng gaw asak (40) daram re salang langai hte asak (30)datam re hpawmi amyu shayi langai rai nna, hkala sawng ai ni gaw asak (50)daram re ai salang langai, asak (12)ning daram re ai numsha ma langai hte asak (22) ning daram re ai ramma la kasha langai ni re lam chye lu ai.
Hkala sawng ai mungshawa ni gaw ya aten tsi rung hta tsi tsi hkam la ng anna, nbungli bawm a majaw dum nta nkau hten za hkrum mat ai re.
Manmaw ginra hta February 14 ya shani du hkra gasat gala majan Matut laja nga ai re hte Myen hpyen dap kaw nna mung, nbungli, Drone ni hte sa gap gasat nga ding yang re hpe Matut chye lu ai.
Shiga – Zau Mai
Comentários