Manmaw-Loije Lam Pat Ai Aten Galu Wa Ai Majaw Jarit Mayan Mung Masha Ni Yak Hkak Wa Ai Lam

Pajau Media

9.8.2024

Mung masa shuk shanut wa ai hpang Manmaw-Loije hkrun lam pat da ai aten galu na wa sai majaw gunrai manu tsaw lung wa nna jarit mayan shanu nga ai mung masha ni grai yak hkak nga ai lam chye lu ai.

Ya aten mung masa lam amyu myu a majaw hkawm sa hkawm wa yak hkak ai sha n-ga nchyang bungli galaw sha shara ni n nga ai hte shang gumhpraw nnga nga ai lapran madung lu sha ni kaw na hkawt grai yak hkak wa ai re lam chye lu ai. Loije jarit mayan hta n-gu buk mi sen lahkawng jan daram hte mari sha ra taw ai lam chye lu ai.

Jarit mayan ginra nga mung masha ni gaw shang gumhpraw hku nna kumshu sun, hkai nu sun ni galaw let sut hpaga hku nna galaw sha ai re, raitim dai ning gaw sun ni hta nam hpun tang du hkra n lu bang ai majaw shawoi shaning lu dut sha ai madang pru na kun gara hku rai wa na ngu n lu tsun ai nga nna mung tsun ai.

Gunrai ni hpe Myen mung de na madung shalai sha ai re, raitim aten galu hkrun lam pat wa yang gaw n dai masa hta grau yak hkak wa na hpe mung masha ni myit tsang nga ma ai re.