24.12.2024
Pajau Media
Manmaw ginra de Lai wa sai December 4 majan hpang wa ai kaw nna ya aten du hkra hpyen masa naw shaja hkat nga dingyang re hte Myen hpyen dap kawn nbungli, Lak nak kaba si ni matut manoi gap bun nga dingyang re majaw mung masha asak si sum ai lam dum nta hten za hkrum ai lam shani shagu byin nga ai re hpe mung chye lu ai.
December 22 ya shani hta Mung Myen hpyen dap kawn gap dat ai Laknak kaba si a majaw Manmaw Nyawng Pin tar lawk kaw wa hkrat kapaw nna Mung masha hkra hkala asak si sum ai lam nga ai re hte mabyin masa tup hkrak hpe sagawn la na matu yak hkak nga ai re.
Gasat gala majan laja wa ai kaw nna Manmaw ginra masha law malawng gaw hpyen koi yen hkawm mat ai re hte n kau mi gaw Manmaw mare kaw naw chyat nga ai re majaw ya na zawn lak nak kaba si a majaw asak si sum ai lam, hkra hkala ai lam ni hkrum masha ni law wa ai re hpe mung chye lu ai.
Manmaw ginra kata Majan hpang ai December 4 ya kaw nna December 23 ya du hkra gasat gala majan gaw dingyang byin nga ai hta myen hpyen dap maga na Nbungli bawm, Lak nak kaba ni laja lana gap bang nga ai majaw manmaw mare kata na Mung masha dum nta wan hkru hten za ai lam dingyang rai nga ai lam ginra shiga ni hta tang madun da ai kaw na chye lu ai.
Comments