Manmaw Ginra De Myen Hpyen Dap N Bungli Bawm Gap Bun Nga Dingyang Rai Nga Ai Lam

Pajau Media

9.April .2025

Jinghpaw Mung Manmaw ginra hta myen hpyen dap N bungli bawm matut manoi gap bun nga ai lam ginra masha ni tsun ai re.

Myen hpyen dap gaw n nang nawn a majaw gap hkat gan jahkring ai lam n dau da ai raitim April 9 ya shani jahpawt daw du hkra Manmaw de nbungli, drone hte bawm wa jahkrat bun ai nga dingyang re hpe mung chye lu ai.

Ya aten Manmaw ginra de shada da gap gasat ai lam n nga ai raitim N bungli bawm gap bun ai lam ni dingyang rai nga ai sha n-ga lagaw lam hku hpyen n-gun jat ai lam ni , malu masha lak nak ni matut manoi jat bang nga dingyang re hpe mung chye lu ai.

Myen hpyen dap gaw April 2 ya kaw nna 22 ya du hkra ya du hkra gap hkat gan jahkring ai lam n dau da ai raitim April 7 ya hta mung Sagaing jarit Indaw ginra de n bungli bawm wa jahkrat ai lam, dai shani hta sha KIA pawng hpawm hpung ni kawn mung Indaw ginra hpe padang dip zing madu la kau sai re hpe mung chye lu ai.

Shiga- Htu Seng