Manmaw Ginra De Matut Manoi Htim Gasat Nga Dingyang Rai Nga Ai Lam

Pajau Media

9.1.2025

Padang dip zing madu da sai Manje Muklum hte myen hpyen dap shara ni hkan KIA pawng hpawm hpyen hpung ginra jasan bungli galaw nna Myu sha Dawng Hkawn sharawt da lu sai hte Manmaw ginra de bai matut manoi htim gasat majan shang nga sai lam chye lu ai.

“Mani sha zing kau lu sai re nga Yang Ginra jasan bungli ni shawng galaw ra na re, Man Je hte Manmaw gaw grai ni hkat re majaw matut manoi htim gasat na lam sha nga sai, Man je ngut ai hte manmaw, Manmaw ngut Yang N mawk maga bai matut wa mai ai” nga nna Manje ginra masha langai tsun ai re.

Manje Ngut ai hpang Manmaw ginra kaw ngam nga ai Myen hpyen dap, dap shara ni kaw na Hk.L.Y (47) Dap hpe ni htep dik ai hku htim gasat nga ai hte Manmaw de matut manoi htim gasat ai hta Nbungli laja lana gap bun nga ai lam mung chye lu ai.

Manje ginra masha tsun ai hta “ Dai ni gaw shawng shani hkan na hta n sen grau na ai, Ga pyi gara ai, dai ram ting na ai re majaw amyawk kaba ni hte gap bun ai mai byin ai” nga nna tsun ai re. Ts.K.Hk (21) amyawk dap kaw nna mung laja lana gap bun nga dingyang re lam mung chye lu ai.

Manmaw Muklum kaw ngam nga ai Myen hpyen dap shara ni gaw Ts.K.Hk (21), Hk.L.Y (47), Amyawk dap, Tank Dap, Matut mahkai hte seng ai dap, Tsi dap, Engineerdap hte Shawng lam garum gahtau dap ni naw ngam nga ai re hpe mung chye lu ai.

Lai wa sai 2024 ning December 4 ya kaw nna hpang wa ai hta Manje Muklum, Hk.M.Y (319), Hk.M.Y (601) hte masat (523) amyawk dap ni hpe zep zi zing madu la lu sai re hpe chye lu ai.

Shiga – Zau Mai