Pajau Media
8.1.2025
Jinghpaw Mung Manmaw Manje ginra kaw dap jung nga ai Myen hpyen dap shara (3) hpe KIA pawng hpawm hpyen hpung ni kawn January 8 ya jahpawt daw hkying 10:00 AM aten daram hta zep zi zing madu la lu sai lam shawng lam shiga kawn na chye lu ai.
Zing madu la lu sai dap shara ni gaw Manmaw Ts.K.Hk (21) n pu na Manje Myen hpyen dap Hk,M,Y (319), (601) hte a myawk dap (352) dap ni hpe zing madu la lu ai re lam shawng lam shi sawk ni kaw na chye lu ai.
Padang dip majan hta hprawng yen mat ai Myen hpyen dap masha ni hpe KIA pawng hpawm hpyen hpung ni hkan shachyut rim ai lam ni galaw nga ai sha n-ga ginra jasan ai bungli ni matut manoi shang nga ai lam chye lu ai.
Lai wa sai December 4 ya kawn Manmaw, Manje ginra de gasat gala majan grai laja wa ai rai nna shata mi na ai hpang January 8 ya shani she Manje ginra hpe zing madu la lu ai re hte Manmaw de bai matut manoi htu shadut nga dingyang re hpe mung chye lu ai.
Shiga - Doi
Comments